Padzīdōju, paļustēju,

Padzīdōju, paļustēju,
Ļaunys dīnys nairaudzēju.
Ļaunu dīnu pameidama
Zam sovom(i) kōjeņom.

Lai dzīdōju, cik dzīdōju,
Bet raudōt(i), naraudōju.
Ļauna dīna prīcovōs(i),
Ka redz mani raudojūt.
Raud, tu poša ļauna dīna
Es staigōju dzīdodama.

Lai pītryuka, ko pītryuka
Maņ dzīsmeņu napītryuka.
Maņ bej dzīsmu pīci pyuri,
Sešys mozys vōceleitis.
(Anspoki, Preiļu nov.)