Reitā agri saule lēce

Reitā agri saule lēce,
Soltu rosu nūtraukdam’.
Agri guoja Laimis muote
Ļaudim laimi vālādam’.

Vīnam lyka montu, slavi,
Ūtram gudru padūmeņ’.
Kū, Laimeņa, maņ tu liksi
Sovā gudrā padūmā?

Laima gryuši nūsapyute,
Snīdzēs pyura dybynā.
Izvalk skaņu zalta kūkli,
Izvalk dzīšmu komuleņ’.

Še, bierneņ, tev zalta kūkle,
Še tev dzīšmu komuleņš.
Kūkle skanēs reitā agri,
Dzīsme vālu vokorā.